forum A Trieste ...

[sum culex]

L'originale xè una vecissima diapositiva, la gaverò fata più o meno 48 ani fa.
Go zercà de refarla come che go podù: la gaveva virà in viola e perso contrasto, per chi che sa e se ricorda la pelicola iera l'invertibile Ferrania.
Iero con un mio carissimo amico, che ogi purtropo no xè più (xè anche vero che el gaveva tanti ani più de mi), sula zima del monte Lanaro. Sul sfondo se vedi Monrupin cola sua ceseta e tuto el panorama del Carso.
Ciao
sum culex

[babatriestina]

Ieri ga fato un giretto in quel de Monrupino: per inciso, Monrupino xe un termine comodo per spiegar, ma no esisti propriamente un vero posto Monrupino: i paesi dela zona xe Repen ( che ga dado logo ala variante -rupino visto che la rocca xe efetivamente su una rupe), ma el santuario xe Repen Tabor ( el tabor xe el cocuzzolo fortificado, rocca disessimo in italian- difatti xe Santuario o Rocca di Monrupino) e po xe Repen grande ( veliki Repen o Rupingrande) e el picio repen che no xe mali Repen come che se se spetassi ma Repnic- Rupinpiccolo. E sotto de Repentabor el paesetto xe Zolla o Col ( che se legi po preciso Zol) e che xe una variante del tedesco Zoll dogana.
Be, dopo sta premessa sui nomi, tanto per capirse,
ecove la Cesa de Monrupino :

el solito campanil col ingresso sotto:

[babatriestina]

Le Cesa sarà dei anni del Cinquecento, ma se parla de una ancora più antica, e come sempre i tira in ballo i Templari, q uindi prima del 1313..
la xe stada restaurada tante volte, ecove l'interno

iera domenica delle palme e i dava rami de ulivo grandi, no le palmette che i dà nece cese de città
eco el sufito, col imagine de l'Assunta, par del settecento e inveze el xe del 1912, gnanca 100 anni

e l'altar maggior, con una Madonna piturada su rame de una pittrice triestina dela fin del Settecento

Bela xe anca la tovaia ricamada del altar, no quela bianca in primo pian ma quela del altar maggior, adesso se ghe ne vedi sempre de meno..

[babatriestina]

A fianco l'antica canonica de piera

e una dela cesa scendendo

me par de gaver letto qualcossa de sta malta rosa, che xe tipica del logo, e che dipendi dela sabbia doprada

[babatriestina]

Sotto, i Torrioni de Monrupino, rocce de erosion ( con una targa de sora ai partigiani)- e al bivio altra targa dedicada al IX Korpus del 1945

[Tirabaralla]

Anca qua go tanti bei ricordi...e ve ringrazio de le bele foto...
Tante volte la lontananza me xè un peso tremendo. Vedo sti loghi e penso "ghe tornerò ancora? o mai più?"... beati voi che li gavè a portada de man...
Scuseme lo sfogo.

[babatriestina]

[AdlerTS]

Su La Cittadella i conta che i ga publicado un opuscolo su Monrupino:

Sopra l'entrata ovestsi trova una scritta in sloveno nell'antico alfabeto bohričica, datata 1828: l'epigrafe ricorda che la fortezza fu costruita nel 911, al tempo delle incursioni magiare, quando la popolazione slovena era insediata da almeno tre secoli. [...] la chiesa viena citata per la prima volta col nome di Santa Maria in Reypen in un documento vescovile del 1316. [...] La leggenda vuole che la chiesa sia stata edificata nel luogo in cui venne rinvenuta una pietra con impressa un'impronta di piede femminile, profonda vari centimetri. battezzata "Orma di Maria".
Nel 1794 il vescovo Sigmund von Hohenwart donò il dipinto raffigurante la Madre del Salvatore di Maria Candido, posto nell'altare maggiore. [...]
Il restauro è durato dal 1983 al 1990.

Me incuriosissi l'alfabeto

[babatriestina]

ecola: o meo questa xe una dele do, me par che xe un'altra sula porta principal..no so se go quela..

[Tirabaralla]