forum A Trieste ...

sum culex

Rivando a Prosecco dal Strada del Friuli, da dove che xè le fermate dei autobus se vedi el campanil dela cesa de San Martin.

Andemo a vederla.

Traversada la strada che va de opicina a Sistiana, dopo un cinquantina de metri per una canisela, se riva in una piazeta proprio davanti ala cesa in stile carsico. L'interno con un sofito a 'meza bote' (no so come altro dir) e l'abside a volta a crocera xè richissima de afreschi.
Purtropo cola scarsa luce che iera qualche foto del'interno xè vignuda un poco mossa e go zercà de refarla come che go podù, ma per completezza le meto lo stesso, scusandome del difeto.
Tanti comenti: nomi de santi, artisti, ecc. mi no son in grado de farli e, come al solito, (ormai xè prassi consolidada) ghe lasso el compito, ringraziando fin de adesso per quasto favor, a COLEI che ghe ne sa tanto più de mi.

Son pena rivà su col autobus, smonto e eco el companil

Do minuti a pie e semo davanti al cesa

Una casa de piera sul sagrato: penso che possi esser la canonica

sum culex · Posted: Wed Sep 19, 2007 6:56 pm Post subject:

El picio portico davanti al'ingresso soto el campanil

Soto el portico

sum culex · Posted: Wed Sep 19, 2007 7:01 pm Post subject:

L'interno a una singola navata se presenta assai rico

L'abside col altar magior tuto de marmo

sum culex · Posted: Wed Sep 19, 2007 7:07 pm Post subject:

Ai lati del'altar due statue. Quela a sinistra poderia esser San Martin che iera vescovo. Penso cussì per via del baston che el ga in man.

La parte alta del' altar cola colomba (sto simbolo ricori spesso in sta cesa), due angioleti e tuta una complessa lavorazion de marmi

El tabernacolo in particolar

sum culex · Posted: Wed Sep 19, 2007 7:14 pm Post subject:

Anche la base xè tuta de marmo lavorado in rilievo

El grande organo

Soto l'organo, una pitura al centro dela balaustra

sum culex · Posted: Wed Sep 19, 2007 7:18 pm Post subject:

I altari laterai, anche questi tuti de marmo de diversi colori e ricamente lavorai. A sinistra quel dela Madona

In quel de destra la statua de Gesù

Un particolar

sum culex · Posted: Wed Sep 19, 2007 7:23 pm Post subject:

In alto un particolar dei quatro angioleti

La base che, come quela del'altar magior, xè tuta de marmo con rilievi e intarsi

El lampadario central de cristal

sum culex · Posted: Wed Sep 19, 2007 7:28 pm Post subject:

Particolari architetonici

Una dele finestre laterali coi sguanci afrescai e con davanti uno dei pici lampadari anche questi de cristal

Le due vetrade del'abside

sum culex · Posted: Wed Sep 19, 2007 7:32 pm Post subject:

La cantoria ai lati del'abside

I banchi tuti de legno lavorà a sbalzo

sum culex · Posted: Wed Sep 19, 2007 7:38 pm Post subject:

La cupoleta del abside con tuti i sui afreschi