forum A Trieste ...

[sum culex]

Meto in 'Trieste de ogi' perchè le fote xè de come che el teatro romano xè adesso, ma no saria gnanche 'Trieste de ieri' ma diria adiritura de 'l'altro ieri'!

Comenti: no saveria cossa dir oltr quel che xè sta scrito in 'cartoline de Trieste'. Sicuramente la mia amica baba(TS) che ga mile e una risorse (e anche ben de più), se xè el caso, la sarà cussi cocola, come sempre de resto, de scriver qualcossa a completamento.







Qualche scorcio

[sum culex]

Come che se lo vedi dala via omonima (che no xè el nome dela via )

[sum culex]

Un per de particolari






ciao
zoom culex

[babatriestina]

de zontar no xe ssai, visto che ghe ne gavemo za parlado de altre parti. visto che po xe "de ogi", podemo comentar solo che i lo dopra ancora per spettacoli. Mi me ricordo comunque che nei anni 60 i fazeva roba classica, e me ricordo do robe che me ga fato de rider:
iera une Elettra de Sofocle e iera in scena una statua, de Mascherini, che rappresentava una divinità grega stilizzada: no iera testa, ma un triangolo, po vegniva zo un bel petto cicciotto e le pieghe del peplo, e sta Elettra ghe se gira e ghe fa : O Apollo!!! con do tetone cussì
un per de anni dopo iera un Edipo a Colono, me par con Buazzelli, e el iera cussì statico, soprattutto verso la fin, sto Edipo fermo sentado in scena che più o meno speta de morir e parla dei ricordi e dele beghe de famiglia, e.. pian pianin.. xe vegnudo in scena un gatin curioso, el xe arivado fin a metà palcoscenico, e po el xe scampado via!!

[franz]

Complimenti sum culex per el tuo magnifico servizio fotografico sul teatro romano. In qualche parte devo aver qualche foto del teatro ma no xe neanche de paragonar con le tue. Go un paio de amici e ghe le girerò come souvenir. Ciau

[sum culex]

Grazie franz per l'aprezamento, no go parole e alora taso. Solo l'unica parola che posso ancora ripeter xè: grazie!
ciao
zoom culex